Zhdukja misterioze e dy të rinjve në Itali, gjendet trupi i pajetë i një vajze, del video ku ish i dashuri e sulmon…
Trupi i një gruaje të re u gjet mëngjesin e sotëm nga zjarrfikësit në zonën Barcis, në provincën e Pordenones, gjatë kërkimeve për Giulia Cecchettin. Ndërkohë vijon identifikimi për të konstatuar nëse trupi është realisht i të resë që u zhduk një javë më parë së bashku me ish të dashurin e saj Filippo Turetta.
Trupi i pajetë u gjet, sipas informacioneve fillestare, në një gropë të vendosur midis zonës së liqenit Barcis dhe Piancavallo. Ndërkohë, është konfirmuar kalimi i Fiat Punto-s së Filippo Turetta-s në Austri . Makina u regjistrua nga sistemi i targavenë Lienz , Tiroli Lindor, të mërkurën e kaluar. Këtë e mësoi ANSA nga një burim i kualifikuar, duke konfirmuar lajmin e parashikuar nga Il Messaggero. Megjithatë, për momentin nuk ka asnjë gjurmë të pranisë në Alto Adige, i cili është vetëm pak kilometra larg Lienz.
Këto janë orë gjithnjë e më shqetësuese për familjen e Giulia-s dhe Filippo-s, kur tashmë kemi arritur në ditën e shtatë të kërkimeve për dy ish-të dashurit e zhdukur që nga e shtuna e kaluar.
Që prej ditës së djeshme Filippo Turetta është nën hetim nga Prokuroria e Venecias për hipotezën e tentativës për vrasje . Duke e komplikuar pozicionin e djalit është një video në të cilën ai shihet duke sulmuar Giulia Cecchettin me duar mbrëmjen e së shtunës së kaluar.
