LAJM I FUNDIT/ Mori me forcë në makinë një vajzë dhe tentoi të kryej marrëdhënie pa dëshirën e saj, arrestohet 38-vjeçari në Fier. (EMRI)
Një 38-vjeçar është arrestuar në Fier pasi mori peng një 27-vjeçare dhe më pas tentoi ta përdhunonte në banesën e tij. Sakaq ai ka dhunuar edhe nënën e tij, pasi ka ndërhyrë për të larguar 27-vjeçaren nga banesa.
Njoftimi i policisë Fier:
-Specialistët për Hetimin e Krimeve të Komisariatit të Policisë Fier arrestuan në flagrancë shtetasin V. D., 38 vjeç, banues në Grizë, Patos.
Ky shtetas, ditën e djeshme, dyshohet se ka marrë në automjet dhe e ka çuar në banesën e tij, pa dëshirën e saj, një shtetase 27 vjeçe, me të cilën ka tentuar të kryejë marrëdhënie seksuale me dhunë.
Gjatë kësaj kohe, ky shtetas ka ushtruar dhunë edhe ndaj nënës së tij, e cila ka ndërhyrë për të larguar 27-vjeçaren nga banesa.
Materialet procedurale për këtë rast i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprat penale “Dhuna në familje”, “Heqja e paligjshme e lirisë”, “Dëmtime të tjera me dashje” dhe “Marrëdhënie seksuale me dhunë me të rritura”, mbetur në tentativë.
-Specialistët e Sektorit të Qarkullimit Rrugor të DVP Fier arrestuan në flagrancë shtetasin L. Y., 38 vjeç, banues në Fier, pasi është konstatuar nga shërbimet e Policisë, duke drejtuar automjetin, në gjendje të dehur, dhe gjatë shoqërimit ka kundërshtuar me forcë punonjësit e Policisë.
-Lushnjë/Informacion paraprak
Rreth orës 11:30, në hyrje të qytetit të Lushnjës, automjeti me drejtues shtetasin B. D., është përplasur me motomjetin me drejtues shtetasin Sh. D.
Si pasojë e përplasjes është dëmtuar pasagjerja në motomjet, shtetasja S. D., e cila ndodhet në spital, në kujdesin e mjekëve.
Grupi hetimor po punon për zbardhjen e shkaqeve të aksidentit.
