Stuhia përfshin Shqipërinë, Policia apel shoferëve: Tregoni kujdes gjatë lëvizjes
Mbrëmjen e kësaj të shtune i gjithë vendi është përfshirë nga moti i keq, me stuhi dhe erëra të forta.
Për shkak të reshjeve të shiut që janë prezente pothuajse në të gjitha qarqet e vendit, Policia e Shtetit ka dale me një apel për shoferët që të rrisin vigjilencën dhe të tregojnë kujdes gjatë lëvizjes.
Gjithashtu Policia Rrugore u kërkon drejtuesve të mjeteve të moderojnë shpejtësinë, të mos përdorin celularin gjatë drejtimit të mjetit, të vendosin rripin e sigurimit, të mos kryejnë parakalime të gabuara dhe të mos drejtojnë automjetin/motomjetin, në efektin e alkoolit.
“Për shkak të motit të keq me reshje shiu dhe erë të fortë, në disa qarqe të vendit, Policia e Shtetit apelon për përdoruesit e rrugës që të rrisin vigjilencën dhe të tregojnë kujdes gjatë lëvizjes. Të moderojnë shpejtësinë, të mos përdorin celularin gjatë drejtimit të mjetit, të vendosin rripin e sigurimit, të mos kryejnë parakalime të gabuara dhe të mos drejtojnë automjetin/motomjetin, në efektin e alkoolit.
Të tregojnë kujdes sepse për shkak të erës së fortë mund të ketë rrëzime të pemëve, ndërsa si pasojë e reshjeve të dendura ka prezencë të ujit në disa akse rrugore. Shërbimet e Policisë Rrugore kanë shtuar prezencën në rrugët urbane dhe interurbane, me qëllim parandalimin e aksidenteve dhe për t’iu ofruar ndihmë përdoruesve të rrugës në nevojë. Në rast nevoje telefononi në numrin 112 dhe zbatoni me rigorozitet rregullat e qarkullimit dhe udhëzimet e Policisë Rrugore“, njofton policia.
