Sot, 84 vjetori i lindjes së regjisorit dhe shkrimtarit të njohur, Pëllumb Kulla
Pëllumb Kulla u lind në Zëmblak të Korçës në 10 janar të vitit 1940. Përfundon studimet e mesme në Politeknikum dhe studimet e larta i kryen në Akademinë e Arteve më 1964.
Emërohet regjisor i Estradës së Vlorës. Një vit më pas i bashkohet trupës së aktorëve të Teatrin të atij qyteti. Më 1967 bie viktimë e luftës së klasave dhe biografia e çon për riedukim në gurore, minierë e më pas në ofiçinë.
Riedukimi zgjat po aq sa i duhet për të kryer studimet e larta; plot katër vjet. Më 1972 emërohet aktor në Teatrin “Bylis” të Fierit, më pas regjisor dhe punon 18 vjet, si regjisor i Estradës dhe Teatrit. Nën drejtimin e Kullës, Estrada e Fierit arrin “kullën” e suksesit. Bëhet më e mira në vend, duke fituar çmimet më të larta në festivalet kombëtare.
