LAJM I FUNDIT/ Fshihte në banesë, pistoletë dhe municion luftarak, arrestohet në flagrancë 44-vjeçari në Fier. (EMRI + VIDEO)
Një 44-vjeçar është vënë në pranga nga policia e Fierit, pasi fshihte në banesë pistoletë dhe municion luftarak.
44-vjeçarit, të identifikuar si Artan Hoxhallari, iu gjet gjatë kontrollit 1 armë zjarri pistoletë, krehër dhe municion luftarak.
Fier/Vijon puna e inteligjencës policore dhe kontrollet 24/7, për të garantuar sundimin e ligjit në territor.
Finalizohet operacioni policor i koduar “Poseduesi”, për goditjen e një rasti të veprimtarisë kriminale të armëmbajtjes pa leje.
Fshihte në banesë, pistoletë dhe municion luftarak, arrestohet në flagrancë 44-vjeçari.
Sekuestrohen arma e zjarrit, krehri dhe fishekë të saj.
Si rezultat i administrimit të menjëhershëm të inteligjencës policore, të siguruar në vijim të megaoperacionit kombëtar të koduar “Sundimi i ligjit”, se një shtetas fshihte në banesën e tij, armë dhe municion luftarak, shërbimet e Komisariatit të Policisë Fier organizuan dhe finalizuan operacionin policor të koduar “Poseduesi”.
Gjatë operacionit u arrestua në flagrancë shtetasi A. H., 44 vjeç.
Nga kontrollet në banesën e tij në Patos, shërbimet e Policisë gjetën të fshehura dhe sekuestruan në cilësinë e provës materiale, 1 armë zjarri pistoletë, krehër dhe municion luftarak për të.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
