Një makinë ka marrë flakë në ecje, në Fier, përkatësisht në aksin që lidh qytetin me autostradën Fier-Tiranë pranë spitalit “Memorial”.
Drejtuesi i mjetit tip “Mercedes Benz” ka ndaluar kur ka vënë re flakët.
Më pas ai ka njoftuar menjëherë shërbimin zjarrfikës, të cilët kanë bërë të munduar shuarjen e zjarrit.
Nga zjarri ka vetëm dëme materiale. Në vendin e ngjarjes ka mbërritur policia, e cila po punon për zbardhjen e shkaqeve të ngjarjes.
Fier/Informacion paraprak
Rreth orës 20:35, në fshatin Mbrostar Ferko, dyshohet se për shkaqe aksidentale, ka marrë flakë gjatë lëvizjes, automjeti tip “Benz”, me drejtues shtetasin M. A., 21 vjeç. Si pasojë janë shkaktuar dëme të pjesshme materiale në këtë automjet.
Grupi hetimor vijon veprimet në vendngjarje, për zbardhjen e plotë të rrethanave të rastit.
