Një ngjarje e rëndë ka ndodhur orët e para të mëngjesit në Greqi, në Batabikos, ku një shqiptari i është bërë atentat.
Mediat greke bëjnë me dije se ngjarja ka ndodhur rreth orës 04.00 në një park në zonën e rrugës Sidirokastro. Shqiptari ka qenë duke lëvizur në këmbë, ku autorët nga një mjet e kanë qëlluar 34 vjeçarin tre herë duke i shkaktuar plagë në bark.
I plagosur nga ngjarja ka mbetur Renis Fejzolli. Fatmirëisht vetëm pak pas ngjarjes aty kanë kaluar disa policë dhe shqiptari u ka kërkuar ndimë. Ndihma e parë e policëve ka rezultuar shpëtimtare për 34-vjeçarin. I riu ndodhet në spitalin “Georgios Gennimatas” nën kontrollin e mjekëve.
Policia vijon hetimin për identifikimin e autorëve, teksa bëhet me dije se i plagosuri nuk është një emër i panjohur për policinë greke. Renis Fejzolli në 2019 ka qenë i dënuar për trafikim droge.
