Si sot 10 vite më parë,u nda nga jeta pas një sëmundjeje ikona e muzikes shqiptare, e madhja Vaçe Zela.
Si sot 10 vite më parë, në 6 shkurt 2014, u nda nga jeta pas një sëmundjeje ikona e muzikes shqiptare, e madhja Vaçe Zela.
“Falemnderit zotit që të pata! Ti ishe dashuria e jetës sime dhe do të jesh deri në frymën e fundit drita e shpirtit tim. Pa ty bota është më e varfër Mam”, shkruan Irma Rodiqi, vajza e këngëtares së madhe në një status në rrjetet sociale.
Ndërsa kaloi 20 vitet e fundit të jetës në Bazel të Zvicrës, ndarja nga jeta 10 vite më parë la një boshllëk të madh në muzikën shqiptare.🖋 Vaçe Zela u lind në Lushnje, qyteti që edhe skenës kryesore të teatrit të vet i ka vënë emrin e artistes së madhe që mban titullin, “Nderi i Kombit”. Një bust është ngritur për të në këtë qytet.
VACE ZELA ( 7 prill 1939 – 6 SHKURT 2014)
10 vjet më parë u shua në Bazel të Zvicrës madhështia e interpretimit të këngës shqiptare. Celia Cruz është mbreteresha e muzikes salsa dhe me madhja e botës Latine. “Umm Kulthum”, kulmi i interpretimit të këngës në botën arabe.
Claudia Shulzhenko dhe Isabella Yurieva majat më të larta në këngën ruse. Edith Piaff më e famshmja e interpretimit në këngën franceze. Marinela apo Maria Faranduri talentet më të mëdha në muzikën greke.
Mina ende pa rivale në muziken italiane ashtu si dhe Amália Rodrigues dhe Cesária Évora në muzikën portugeze. Pa dyshim në këto nivele është edhe Vacja jonë e madhe dhe e paharruar.
