Ngjarja në Lushnje, policia hetim për 3 vepra penale, i rrezikuar dhe deputeti Çela
Policia e Lushnjes, vijon hetimet mbi ngjarjen e rëndë që ndodhi pasditen e së premtes, ku një shpërthim i fuqishëm përfshiu një kapanon dhe u mori jetën dy personave (babë e bir) dhe la të plagosur 7 të tjerë.
Burimet bëjnë me dije se deri më tani Policia ka regjistruar procedim për 3 vepra penale: shkelje e rregullave te mbrojtjes në punë, shkelje të lejes pasi subjekti, si dhe shkatërrim prone nga pakujdesia.
Ende nuk ka akuza të ngritura zyrtarisht pasi vijojnë hetimet. Por nëse do të ketë zyrtarisht akuza për deputetin Bujar Çela, i cili mendohet se është bashkëpronar, atëherë dosja do t’i kalojë SPAK-ut, si organ kompent për hetimin e deputetëve.
Kujtojmë se shpërthimi u regjistrua rreth orës 15:30 në vendin e quajtur “Rreth-rrotullimi i Plastmasit”, në një kapanon në ndërtim. Nga shpërthimi humbën jetën babë e bir, Roland Hoxha dhe Elidon Hoxha, dhe u plagosën 7 të tjerë; Sokol Lumi, Deputeti i PS-së, Bujar Çela, Sajmir Korreshi, Ilia Sota, Lunedi Golemi, Ervis Sharka, Eriget Gorovelli.
