Një telefonatë në polici ka alarmuar efektivët, pasi dikush njoftoi se në një qendër tregtare në Romë, ishte vendosur bombë.
Mediat italiane raportojnë se policia ka mbërritur menjëherë në qendrën tregtare Casal Bertone, duke nisur me urgjencë evakuimin e të gjithë personave që ndodheshin brenda, klientë dhe staf.
Pas evakuimit, janë futur skuadrat e posaçme dhe kanë kryer kontrollet e nevojshme, ku ka rezultuar se alarmi ka qenë i rremë.
