E rëndë në Berat/ 5 persona dhunojnë barbarisht kamerierin 17-vjeçar
Një ngjarje e rëndë është shënuar pas mesnate në Berat, ku 5 persona kanë shkuar në një piceri dhe kanë dhunuar barbarisht kamerierin 17-vjeçar.
Burime për media bëjnë me dije se ngjarja është shënuar rreth orës 00.45, ku 5 shtetas kanë shkuar dhe kanë rrahur me grushte, shkelma e karrige adoleshentin, duke i shkaktuar plagë të rënda.
Klientët që kanë qenë të pranishëm janë frikësuar dhe janë larguar me vrap nga piceria. 17-vjeçari ka marrë disa plagë dhe ndodhet në spital jashtë rrezikut për jetën.
Nuk dihen ende arsyet e kësaj përplasje të ashpër, ndërsa mësohet se policia deri më tani ka shoqëruar në komisariat 15 persona, mes tyre dhe 5 autorët e dyshuar. Policia ka sekuestruar pamjet nga kamerat e sigurisë dhe po punohet për zbardhjen e plotë të rrethanave të kësaj ngjarje.
Berat/Informacion paraprak
Gjatë natës, në lagjen “22 Tetori”, Berat, pranë një picerie, dyshohet se për motive të dobëta, shtetasit R. Q., 16 vjeç G. Q., 16 vjeç, (vëllezër) dhe I.B., 16 vjeç, janë konfliktuar fizikisht dhe kanë goditur me sende të forta shtetasin B. D., 17 vjeç, i cili punonte në këtë piceri.
Shërbimet e Policisë kanë shoqëruar menjëherë në ambientet e komisariatit, shtetasit R. Q,. G. Q dhe I.B., me të cilët po kryhen veprimet e mëtejshme procedurale, në praninë e psikologut dhe prindërve të tyre.
Ndërkaq, grupi hetimor vijon punën për sqarimin e plotë të rrethanave të rastit.
