Atentat avokatit në Memaliaj, Andrea Zotaj
Një atentat me kallashnikov ka ndodhur në Memaliaj. Objektiv ka qenw avokati Andrea Zotaj pjesë e Dhomës së Avokatisë, Gjirokastër, Ngjarja ka ndodhur mbrëmjen e djeshme në rrugën e vjetër të fshatit Qesarat.
Zotaj, i shoqëruar nga nipi i tij, ishin duke shkuar në zonë me makinwn e tyre, ndwrsa u kishte zënë pritë Fatos Lamaj 36 vjeç nga fshati Ane Vjosë Njësia Administrative Qesarat Bashkia Memaliaj.
Avokati Zotaj ka deklaruar se Lamaj i kishte zënë pritë për t’a ekzekutuar, por fati ka qenë me avokatin i cili përmes një manovrimi të rrezikshëm të automjetit që drejtonte arriti t’i shmangej goditjeve të plumbave të shkrehura nga ana e agresorit Lamaj.
Zotaj është shprehur se ngjarja ka qenë për shkak te detyrës pasi 2 netë më parë agresori ishte kapur nga policia.
Njoftim i Policisë Tepelenë:
Memaliaj
Mbrëmjen e djeshme, qëlloi me armë zjarri në ajër, për të kanosur 2 shtetas, kapet menjëherë pas ngjarjes dhe vihet në pranga 41-vjeçari.
Gjendet arma e zjarrit (pushkë), të cilën 41-vjeçari e fshehu në një zonë të pyllëzuar, dhe sekuestrohet bashkë me municion luftarak.
Menjëherë pas njoftimit të marrë më datë 28.03.2024, rreth orës 19:30, se në fshatin Qesarat, ishte qëlluar me armë zjarri, në ajër, specialistët e Seksionit për Hetimin e Krimeve të Stacionit të Policisë Memaliaj organizuan punën dhe shkuan në vendngjarje, me qëllim zbardhjen e rrethanave të rastit dhe arrestimin e autorit/ëve.
Si rezultat i veprimeve të shpejta operacionale, shërbimet e Policisë kapën dhe vunë në pranga autorin e dyshuar të këtij rasti, shtetasin F. L., 41 vjeç, banues në Memaliaj.
Nga hetimet e deritanishme dyshohet se ky shtetas, për motive të dobëta, ka qëlluar me armë zjarri (pushkë), në ajër, me qëllim kanosjen e shtetasve A. Z., 54 vjeç dhe E. Z., 34 vjeç, të afërm të njëri-tjetrit, të dy banues më fshatin Anë Vjosë. Më pas, ai ka fshehur armën e zjarrit, në një zonë të pyllëzuar, në fshatin Qesarat.
Arma e zjarrit u gjet nga shërbimet e Policisë dhe u sekuestrua në cilësinë e provës materiale, së bashku me disa fishekë.
Materialet procedurale i kaluan Prokurorisë, për veprime të mëtejshme.
