Bora Zemani “luan” me publikun, i bëri të besojnë se ishte shtatzënë, sot e mohon: Nuk jam akoma!
Ditën e djeshme moderatorja Bora Zemani përmes promos së emisionit të kësaj të premteje, “Cherry on Top” ka lënë të besohet se është shtatëzënë. Në pamjet duket moderatorja e cila prek barkun dhe shprehet se “një lumturi kaq e madhe nuk mbahet vetëm për vete” dhe pas kësaj duket partneri i saj, Donald Veshaj që i puth barkun.
Pas kësaj video të shumta ishin reagimet, fansat e uruan për pritjen e ëmbël ndërsa në rrjet lajmi u bë viral.
Por mbrëmjen e sotme, Bora Zemani e ka mohuar lajmin duke sqaruar se nuk është shtatëzënë.
“Dua të them që kam rreth dy vite që i vë me shumë frikë duart në bark, sepse në momentin që prek barkun me duar “jam menjëherë shtatzënë”.
“Nuk jam akoma shtatzënë. Në momentin që do jem shtatzënë do e tregoj sepse një lumturi kaq e madhe nuk mbahet vetëm për vete”, shprehet ajo.
Duket se e gjitha ka qenë e mirëmenduar me qëllimin e vetëm për të tërhequr vëmendjen e publikut.
