LAJM I FUNDIT/ Arrestohet nga Policia 23 vjeçari qe vrau efektivin e Policisë në Fier.
Ka përfunduar mbrëmjen e kësaj të mërkure arratia e autorit të dyshuar të vrasjes së efektivit të forcave “Shqiponja”, 28-vjeçarit Novruz Cenalia.
Vetëdorëzimi i tij është kryer mbrëmjen e sotme (15 maj) në fshatin Dërmenas, pas negociatave të babait dhe dajës së tij, të cilët i kanë kërkuar që të dorëzohet.
Azgan Mërnicës, burimet bëjnë me dije, se nga forcat elitë RENEA i është bërë e qartë që duhej të dorëzohej, përndryshe RENEA ka qenë e orientuar për të vepruar në të gjitha drejtimet.
Mërnica ka qenë i angazhuar në Strukturën e Armatosur të PD për Mbrojtjen e Votës në 2021. Kjo faktohet lehtësisht përmes një fotoje të postuar nga deputeti i Berishës, Luan Baçi në prill të vitit 2021.
Si u vra efektivi i ‘Shqiponjave’?
28-vjeçari Novruz Cenalia u vra me një plumb në kokë më 13 maj 2024 në fshatin Baltëz të Fierit. Ai ishte nisur për të shkuar në punë, por u përfshi në një debat me Azgan Mërnicën, 23 vjeç, për radhën e kalimit me makinë. Në këtë moment, 23-vjeçari nxori pistoletën që e mbante me vete dhe me një tek plumb në kokë la të vdekur në vend punonjësin e Policisë së Shtetit. Më pas ai u largua nga vendi i ngjarjes.
Lajm në përditësim…
