Vetëvrasja e efektives, merret në pyetje i dashuri. Pamje nga vendi i ngjarjes

Një ngjarje e rëndë u regjistrua pasditen e 24-majit në Tiranë. Aldorjana Loshi 21 vjeçe e cila prej rreth një viti e gjysmë ishte pjesë e strukturës së Policisë së Shtetit është gjetur e pajetë në banesën e saj në zonën e Ali Demit.

Në momentin kur ka ndodhur ngjarja, sipas raportimeve, efektivja e Policisë ka qenë vetëm në banesë.

Sipas komunikatës nga Drejtoria Vendore e Policisë së Tiranës, dyshohet se 21-vjeçarja është vetëvrarë me armën e shërbimit.

Aldorjana Loshi mbante pozicionin e efektives së patrullës në komisariatin numër 5 në kryeqytet.

Sipas informacioneve, 21-vjeçarja nuk kishte shfaqur asnjë problem në punë.

Por sipas burimeve dyshohet se Policia e Tiranës ka shoqëruar të dashurin e 21-vjeçares.

Burimet thonë se ata kanë pasur një debat së fundmi me njëri-tjetrin.

Debati me të dashurin dyshohet se mund të ketë qenë arsyeja që mund të ketë çuar 21-vjeçaren drejt aktit të rëndë.

Lidhur me ngjarjen është ngritur një grup i posaçëm hetimor i cili po vijon hetimet për të zbardhur rrethanat e plota të ngjarjes së rëndë.

Ndërkohë vetëm pak minuta pas ngjarjes ka reaguar edhe policia përmes një njoftimi zyrtar.

Në njoftim thuhet se më datë 24.05.2024, rreth orës 18:30, në rrugën “Ali Demi”, është vetëvrarë me armë zjarri në banesë shtetasja A.L, 21 vjeçe, punonjëse Policie pranë Komisariatit të Policisë Nr. 5″