AKTUALITETART & KULTURFIERI YNË TV
“Shtëpia e Re” – Premiera Absolute nga Odise Plaku në Teatrin “Bylis” Fier
Teatri “Bylis” në Fier do të mirëpresë premierën absolute të shfaqjes “Shtëpia e Re” nga Odise Plaku, një ngjarje e rëndësishme artistike që trajton një temë delikate të ditëve të sotme: hapjen e dosjeve të periudhës së diktaturës komuniste dhe ndikimin e saj në marrëdhëniet personale.
Regjisor i shfaqjes është Aldi Hysotoçi, dhe aktorët profesionistë Gezim Rudi, Ina Zoto, Donald Shehu,
Adelina Muça, Erina Lazi dhe Barjam Dosti do të sjellin në skenë një histori dashurie që vihet në pikëpyetje për të ardhmen e saj.
Detajet e Evenimentit:
- Datat: 11 dhe 12 Korrik
- Ora: 19:00
- Vendi: Teatri “Bylis”, Fier
- Hyrja: Pa pagesë
Kjo shfaqje është një produksion i Drejtorisë së Artit dhe Kulturës, Bashkia Fier. Ju ftojmë të merrni pjesë dhe të përjetoni këtë ngjarje të veçantë artistike.
