AKTUALITETKRONIKË
Vetëvrasje Tragjike në Patos: Një i Ri Hidhet nga Pallati ku Banonte
Patos, 1 Gusht 2024 – Një ngjarje tragjike ka tronditur qytetin e Patosit mbrëmjen e sotme. Një person i seksit mashkull, 20 vjeç, është vetëhedhur nga pallati ku banonte, duke gjetur vdekjen në vend.
Burime informacioni nga Patosi bëjnë të ditur se viktima është një i ri i moshës 20-vjeçare. Në vendngjarje kanë mbërritur forcat e policisë, të cilat po punojnë për zbardhjen e rrethanave të kësaj ngjarjeje tragjike.
Patos/Informacion paraprak
Rreth orës 21:40, në Patos, Fier, shtetasi R. M., rreth 20 vjeç, i cili vuante nga sëmundje të shëndetit mendor, dyshohet se është hedhur nga kati i katërt i pallatit ku banonte dhe për pasojë ka humbur jetën.
Grupi hetimor po punon për sqarimin e plotë të rrethanave të rastit.
