AKTUALITET
Fier: Policia Kufitare shpëton një pushues nga mbytja në plazhin e Semanit
Sot rreth orës 12:40, në plazhin e Semanit, shërbimet e Stacionit të Policisë Kufitare Hoxharë ndërhynë për të shpëtuar një pushues 75-vjeçar nga mbytja. Gjatë patrullimit në zonën e quajtur “Kulla e Ujit,” patrulla e Kufirit konstatoi shtetasin K.K., rreth 200 metra larg bregut, duke kërkuar ndihmë.
Policia reagoi menjëherë duke e nxjerrë shtetasin nga uji dhe i dha ndihmën e parë në bashkëpunim me patrullën e Rendit Publik. Pushuesi u transportua me ambulancë për ndihmë mjekësore dhe ndodhet nën kujdesin e mjekëve, jashtë rrezikut për jetën.
Reklama në FieriWeb - “PIZZA ITALIA FIER”
