AKTUALITETPOLITIKË
Sali Berisha pritet të merret zyrtarisht i pandehur nga SPAK, thirrje për protestë nga ish-kryeministri
Tiranë – Për herë të parë, ish-presidenti dhe ish-kryeministri Sali Berisha do të merret zyrtarisht i pandehur nga SPAK. Sot, më 11 shtator, në orën 12:00, Berisha do të paraqitet në SPAK për t’u njohur me akuzat ndaj tij lidhur me aferën “Partizani”.
Po ashtu, dhëndri i tij, Jamarbër Malltezi, do të paraqitet në orën 14:00 për të njëjtën çështje. Pas marrjes së fletëthirrjes, Berisha u ka bërë thirrje mbështetësve të protestojnë në orën 12:00, duke ushtruar presion ndaj drejtësisë.
