AKTUALITETKRONIKË
Droni në burgun e Peqinit, Drejtoria e Burgjeve: Në pako u gjetën iPhone 11 Pro Max, tetë fisha dhe cannabis sativa
Drejtoria e Përgjithshme e Burgjeve me anë të një deklarate për mediat ka dhënë më shumë detaje për dronin, që u fut brenda ambienteve të burgut të Peqinit.
Në një njoftim për mediet, Drejtoria e Përgjithshme e Burgjeve shprehet se pas kontrolleve, në dron janë gjetur celularë, tetë fisha dhe cannabis sativa. Pas kontrolleve të detajuara, u zbulua se një nga pakot përmbante dy aparate celularë, një iPhone 11 dhe një iPhone 11 Pro Max, si dhe tetë fisha për karikimin e telefonave. Në një tjetër pako u gjetën 380 gramë të dyshuar kanabis sativa, të ndara në doza të vogla nga 0.13-0.15 gramë, si dhe 33 doza të vogla me lëndë të dyshuar si kokainë, me një peshë totale prej 57.7 gramë. Ngjarja po hetohet.
