E Rëndë në Roskovec: Humb Jetën një Person nga Goditja me Rrymë Elektrike
Një ngjarje e rëndë ka ndodhur sot në Roskovec, ku një 43-vjeçar ka humbur jetën si pasojë e një goditjeje me rrymë elektrike.
Sipas burimeve të para, viktima po kryente punime në kushte ende të paqarta kur ndodhi incidenti fatal.
Forcat e rendit kanë mbërritur menjëherë në vendngjarje dhe po hetojnë rrethanat e aksidentit tragjik.
Njoftim i Policisë Fier:
Roskovec/Informacion paraprak
Rreth orës 12:15, në qëndrën shëndetsore të Roskovecit, është dërguar pa shenja jete, shtetasi S. B., rreth 43 vjeç, banues në Berat.
Ky shtetas dyshohet se aksidentalisht ka rënë në kontakt me rrymën elektrike duke kryer punime në banesën e shtetasit E. K., banues në fshatin Suk, Roskovec.
Shërbimet e Policisë kanë shoqëruar në stacionin e Policisë shtetasin E. K., për veprime të mëtejshme hetimore.
Grupi hetimor vijon punën për sqarimin e plotë të rrethanave të rastit.
