AKTUALITETFIERI YNË TVMJEKSIA
Mamografia falas në Spitalin e Fierit gjatë Tetorit Rozë
Në kuadër të fushatës #IaVlenTëJetosh
, mamografia në Spitalin e Fierit është falas gjatë gjithë muajit tetor.
Kjo iniciativë ka për qëllim të ndërgjegjësojë gratë mbi rëndësinë e zbulimit të hershëm të kancerit të gjirit dhe të inkurajojë kontrollet e rregullta shëndetësore.
Deri më 4 tetor, 49 gra kanë përfituar shërbimin e mamografisë falas, duke shfrytëzuar këtë mundësi për të monitoruar shëndetin e tyre.
Zbulimi i hershëm i sëmundjes është një hap i rëndësishëm për parandalim, duke rritur ndjeshëm shanset për një jetë më të shëndetshme dhe më të sigurt.
Mamografia në spitalin e Fierit punon nga ora 08:00 – 20:00, ndërsa të shtunën 09:00 me 14:00.
