AKTUALITETKRONIKË
Aksident i rëndë në aksin Levan – Tepelenë, automjeti del nga rruga dhe përfundon në tokë bujqësore – dy të plagosur dërgohen në spitalin e Fierit
Një aksident automobilistik ka ndodhur sot në aksin rrugor të autostradës Levan – Tepelenë, në zonën e quajtur Varibop. Një automjet ka humbur kontrollin, duke dalë nga rruga dhe përfunduar në një tokë bujqësore pranë autostradës. Si pasojë e aksidentit, dy persona kanë mbetur të plagosur.
Pas njoftimit për ngjarjen, forcat e policisë dhe dy ambulanca mbërritën menjëherë në vendngjarje për të dhënë ndihmën e parë dhe për të transportuar të plagosurit drejt spitalit. Hetimet mbi shkaqet e aksidentit po vijojnë, ndërsa gjendja e të lënduarve pritet të bëhet e ditur nga autoritetet shëndetësore.
