AKTUALITETKRONIKË
Aksident në aksin Fier-Patos: Përplasen dy automjete, fatmirësisht pa të lënduar.
Një aksident rrugor ka ndodhur mesditën e kësaj të hëne në aksin Fier-Patos, ku dy automjete tip “Toyota” dhe “Peugeot” janë përplasur me njëra-tjetrën. Përplasja e fortë ka shkaktuar vetëm dëme materiale, ndërsa fatmirësisht nuk ka pasur të lënduar.
Në vendngjarje kanë mbërritur menjëherë forcat e policisë dhe grupi hetimor, të cilët po punojnë për zbardhjen e shkaqeve të aksidentit, ndërsa kanë marrë masa për disiplinimin e trafikut, i cili është rënduar pas ngjarjes.
