Kapet në flagrancë 39-vjeçari në Lushnjë, shpërndante doza kokaine
Operacioni i koduar “Station,” i finalizuar pas dy muajsh hetime nga Sektori për Hetimin e Narkotikëve në DVP Fier, ka çuar në arrestimin e një 39-vjeçari në Lushnjë për trafikim të drogës. Shtetasi E. P. u kap në flagrancë duke shpërndarë doza kokaine dhe në shtëpinë e tij u gjetën dhjetëra doza kokaine dhe një peshore elektronike. Ky operacion është pjesë e megaoperacionit kombëtar “Tempulli” dhe po vijojnë hetimet për të identifikuar bashkëpunëtorët e tjerë të mundshëm në këtë aktivitet kriminal. Materialet janë dorëzuar në Prokurori për veprime të mëtejshme.
DVP Fier/Finalizohet pas 2 muajsh hetime, operacioni i koduar “Station”, për goditjen e një rasti të shitjes së lëndëve narkotike, në doza.
Kapet në flagrancë dhe vihet në pranga 39-vjeçari që shiste doza kokaine në Lushnjë.
Sekuestrohen dhjetëra doza kokaine dhe 1 peshore elektronike, që u gjetën në banesën e tij.
Sektori për Hetimin e Narkotikëve i DVP Fier, si rezultat i një pune hetimore të kryer me metoda proaktive, në kuadër të megaoperacionit kombëtar “Tempulli”, për një rast të prodhimit dhe shitjes së lëndëve narkotike, finalizoi operacionin policor të koduar “Station”.
Gjatë operacionit, u kap dhe u vu në pranga shtetasi E. P., 39 vjeç, banues në Lushnjë.
Nga veprimet hetimore dyshohet se ky shtetas siguronte lëndë narkotike kokainë, e ndante në doza, në banesë, dhe më pas i shiste ato në lagje të ndryshme të Lushnjës.
Gjatë kontrollit në banesën e tij, shërbimet e Policisë gjetën një sasi kokaine të ndarë në dhjetëra doza dhe 1 peshore elektronike, të cilat u sekuestruan në cilësinë e provës materiale, bashkë me 1 celular.
Po punohet për të identifikuar dhe kapur shtetas të tjerë që mund të jenë përfshirë në këtë veprimtari kriminale.
Materialet procedurale i kaluan Prokurorisë, për veprime të mëtejshme.
