AKTUALITETKRONIKË
FIER/ “Shkoi në dyqanin e tyre për të blerë alkool, por…”- 80 vjeçari në intubim pas goditjeve me grushte, zbulohet arsyeja pse 47-vjeçari dhunoi çiftin e të moshuarve
Detaje të tjera janë zbardhur lidhur me ngjarje e rëndë në Fier, ku 47-vjeçari Ilir Nukaj dhunoi një çift të moshuarish para dyqanit ushqimor të tyre.
Mësohet se 47-vjeçari është paraqitur në dyqanin e të moshuarve për të blerë alkool, por 80-vjeçari Namik Rustemi nuk ka pranuar t’ia shesë, pasi ai njihej si person problematik.
Ilir Nukaj, banues në fshatin Povelçë, ka dhunuar me grushte në pjesën e kokës 80-vjeçarin Namik Rustemi dhe bashkëshorten e tij, 77-vjeçaren me iniciale A.R.
Si pasojë e dhunës i moshuari ndodhet i shtruar dhe i intubuar në spitalin rajonal Fier, në gjendje të rëndë. Ndërsa bashkëshortorja e tij, pasi ka marrë mjekim është larguar drejt banesës së saj.
