Fjalët prekëse të Klajdi Kurtaj. Djali kujton babain dhe xhaxhain e vrarë në Roskovec: Dua ta dini që unë ju dua shumë, dhe që nuk do t’ju harroj kurrë.
Fjalët prekëse të djalit, Klajdit, që kujton babain dhe xhaxhain e tij, Gramoz dhe Lavdimir Kurtaj, të vrarë më 10 shtator në Roskovec, janë një testament i dashurisë dhe dhimbjes që përjeton një familje e thyer nga humbja. Mesazhi i tij shpreh mallin dhe dhimbjen e thellë për dy figura të rëndësishme në jetën e tij, duke përshkruar kujtimet dhe emocionet që ai ruan nga marrëdhënia me ta. Fjalët e tij reflektojnë një përpjekje për t’u përballur me një humbje të pazëvendësueshme, ndërsa përpiqet të mbajë gjallë mësimet dhe kujtimet e tyre në jetën e tij.
“Të dashur babi dhe xhaxhi,
Është shumë e cuditshme që po e shkruaj këtë duke e ditur që ju nuk mund ta lexoni, por thjesht doja t’ju thoja se më mungoni të dy shumë. Dhe çdo ditë pa ju ndjehet shumë bosh.
Ba, më kujtohen të gjitha momentet me ty. Do doja shumë ta dëgjoja të qeshurën tënde përsëri dhe të ndjeja duart e tua mbi shpatullat e mia kur kisha më shumë nevojë.
Xhaxhi, më kujtohet energjia jote pozitive që i bënte të gjithë për të qeshur. Dashuria jote për ne ishte shumë e dukshme, dhe unë jam mirënjohës për të gjitha kujtimet që kemi së bashku.
Edhe pse ju tashmë jeni larguar, unë mbaj me vete dashurinë dhe mësimet tuaja. Mundohem ta jetoj jetën time me të njejtën mirësi, humor dhe qëndrueshmëri që mësova nga ju.
Ndonjëherë është e vështirë, por e di që do të donit që unë të vazhdoj, e ta perqafoj jetën me të gjitha sfidat e saj. Thjesht dua ta dini që unë ju dua shumë, dhe që nuk do t’ju harroj kurrë.😭❤️” shkruan Klajdi.
