Humbi jetën pasi ra nga kati i shtatë në Itali/ Pritet përgjigjja e autopsisë për 14-vjeçaren shqiptare. Familjarët: I dashuri e dhunonte
Autoritet italiane kanë vazhduar hetimet në lidhje me vdekjen e 14-vjeçares shqiptare e cilla ra nga kati i shtatë i një pallati disa ditë më parë.
Siç raportohet këtë të hënë (28 tetor 2024) do të bëhet autopsia e trupit të Aurorës në Institutin e Mjekësisë Ligjore në Pavia.
Autopsia synon të zbulojë nëse ka shenja dhune nga i dashuri 15-vjeçar po ashtu me origjinë shqiptare pasi ky i fundit ishte personi më të cilin thuhet se 14-vjeçarja kaloi momentet e fundit para se binte nga kati i shtatë.
Gjithashtu nëna dhe motra e të miturës kanë thënë në polici se marrëdhënia e 14-vjeçares dhe e adoleshentit ka qenë e stuhishme, e përbërë nga kërcënime dhe poshtërime.
Gjithashtu familjarët e viktimës, pretendojnë se i dashuri e dhunonte aq shumë saqë e mitura ishte detyruar të vizitohej tek një gjinekolog për hemorragji.
