Ngjarja me tritol në Elbasan, identifikohet viktima Kristi Balukja. I vuri tritolin “Kel Llumit”, por vdiq vetë
Kristi Balukja, është i riu që humbi jetën mëngjesin e sotëm në qytetin e Elbasanit.
Ai ka tentuar ti verë tritol makinës së Renato Çepa, por sasia e eksplozivit i ka plasur në dorë duke i marë jetën menjëherë.
Sipas policisë Renato Çepa njihet në Elbasan dhe si “Kel Llumi”.
Sipas gazetarit të “Ora News”, Elton Qyno, i cili i referohet burimeve policore mes viktimës dhe objektivit për tju vendosur tritol disa kohë më parë ka pasur një konflikt fizik.
Ngjarja e sotme besohet shumë se lidhet pikërisht me këte konflikt të ndodhur disa kohë më parë mes Renato Çepa dhe Kristi Balukja.
Aktualisht për hetimin e kësaj ngjarje është caktuar një prokuror i gatshëm në prokurorinë e Elbasanit si dhe është ngritur një grup hetimor, për të zbardhur plotësisht dinamikën e plotë të kësaj ngjarje të rëndë.
Ngjarja e rëndë vjen pas 3 muaj nga sulmi me tritol në apartamentin e motrave Nikolli në Elbasan, ku mbeti i vrarë një njeri i pafajshëm siç ishte Enea Thomollari.
Kjo ngjarje tashmë po hetohet nga SPAK.
