AKTUALITETSTAR CHANNEL
Nisin reshjet e dëborës në qarkun e Shkodrës, qarkullimi i automjeteve në Theth pa probleme
Reshje shiu dhe dëbore me intensitet të ulët janë regjistruar në zonat malore të qarkut të Shkodrës.
Deri në këtë moment nuk raportohen situata problematike, aktualisht raportohet për reshje dëbore në bashkinë Pukë dhe Fushë Arrëz, por pa krijuar probleme.
Në aksin Bogë – Theth ka reshje dëbore, por qarkullimi vijon pa probleme. Në këtë aks rrugor kërkohet që automjetet të qarkullojnë me goma dimërore.
Nga strukturat e OSHE nuk raportohen situata problematike, megjithatë në bashkinë Vau Dejës informohemi për shkëputjen e energjisë elektrike.
