KRONIKËSTAR CHANNEL
Lushnjë: 67-vjeçari gjendet i vetëvarur në banesë, dyshohet se ishte në gjendje të dehur
Një ngjarje tragjike ka ndodhur sot në lagjen “Çlirimi” të Lushnjës, ku një 67-vjeçar është gjetur pa shenja jete në banesën e tij.
Sipas informacioneve paraprake, viktima, shtetasi A. Ç., dyshohet se ka kryer vetëvarje, ndërsa familjarët e kanë gjetur trupin e tij rreth orës 09:00 të mëngjesit. Nga hetimet e para, raportohet se ai ndodhej në gjendje të dehur në momentin e ngjarjes.
Grupi hetimor po punon për të zbardhur rrethanat dhe shkaqet që çuan në këtë akt të rëndë.
