“S’ndjej keqardhje që jemi ndarë”- Ledri Vula e fajësoi për fundin e marrëdhënies, Sara Hoxha ndërmerr veprimin ndaj reperit! Blogerja i vë “vulën” raportit të tyre
Blogerja e njohur Sara Hoxha, pas deklaratave që ish-partneri i saj Ledri Vula bëri në një intervistë lidhur me ndarjen e tyre, ka vendosur të fshijë çdo foto që mbante në profilin e saj me reperin.
Disa muaj më parë, Sara Hoxha riktheu foto me ish-partnerin e saj dhe u duk sikur ish-çifti do të ktheheshin sërish bashkë, por duket se gjithçka ka marrë fund mes tyre dhe gjithçka që i lidh është vajza e tyre, Poi.
Ledri Vula shpreh gjatë intervistës se nuk i vjen keq për asgjë tjetër në lidhje me përfundimin e këtij raporti përvec se për vajzën e tyre Poin.
Ai tha në një moment se lidhja e tyre ka qenë shumë publike për shkak të profilit të tij si artistik, por shtoi se nëse Sara do kishte qenë më private, sot mund të ishin ende bashkë.
“Ndoshta po të kishte qenë Sara më private, sot mund të kishim qenë edhe bashkë nuk i dihet… Nuk i duhet kurrë domethënë”, deklaroi reperi në “Mbrëmbrëma yje”.
Ndërsa tregoi se si e priti vajza e tyre ndarjen, duke u shprehur: “Në fillimin ishte shumë e vështirë për Poin. Kur ia kemi shpjeguar Poit ndarjen, ka qenë pranuese. Ka thënë: ‘Java ime me mamin, java ime me babin’. Për ndarjen më vjen keq vetëm Poin, për gjë tjetër jo. Tani po rritet me më shumë dashuri”.
Dhe pas deklaratës së tij, Sara Hoxha ka “zhdukur” sërish fotot me ish-partnerin nga rrjetet sociale duke “vulosur” fundin e marrëdhënies së tyre.
Ndaj ana tjetër, Ledri Vula i ka fshirë kohë më parë fotot e tyre në profilin e tij, gjithashtu edhe këngën e titulluar “Gjendja” në të cilën Sara ishte pjesë e videoklipit.
Kujtojmë se vetëm pak kohë më parë, “Panorama Plus”, zbuloi se Ledri ishte në një lidhje të re. Pas gati 1 vit nga ndarja me Sarën, reperi mesa duket ka gjetur sërish dashurinë. Dhe më në fund u publikuan edhe imazhet e para të çiftit.
Ledri u kap mat gjatë pushimeve në jug të vendit me të dashurën e tij, e cila quhet Rina Zaiti. Fotoja e fundit tregon çiftin duke shijuar momente relaksi pranë detit, duke u ulur pranë shkëmbinjve të plazhit. Duket se Ledri po shijon një kohë të qetë larg zhurmës dhe angazhimeve të karrierës së tij muzikore.
Burime treguan se ata ishin gjatë gjithë kohës shumë afër duke shijuar kohën me njëri-tjetrin. Ndërsa lajmi se Ledri është në një romancë te re dashurie dhe e ka harruar plotësisht Sara Hoxhën bëri xhiron e rrjetit, u zbulua se kush ishte vajza në foton e publikuar nga paparaci. Të gjithë pyesnin për Rina Zaitin, ja disa të dhëna për vajzën e cila i ka ‘vjedhur zemrën’ reperit shqiptar.
Si fillim, Rina është motra e Ron Zaitit. Ron Zaiti është një këngëtar i ri, i cili famën më të madhe e mori në bashkëpunimin me Dafina Zeqirin, “Murder on the dancefloor”. Më pas ai bashkëpunoi me Semi Jaupajn në “All your lovin’”, me DJ Geek në “Ganja”, sërish me Dafinën me “Boma ni tel” e kështu me radhë. Aktualisht ka vijuar me projektet e tij pasi siç dihet, bashkëpunimeve me Dafinën u erdhi fundi për arsye që nuk u bënë të ditura nga dyshja shkruan ‘Popart.’ Profesioni i Rinës është estetiste thonjsh. Ajo ka një studio me emër ku nuk mungojnë as klientet VIP. Sigurisht, gjatë kohës që vëllai i saj bashkëpunonte ende me Dafinën, artistja ia besonte asaj imazhin.
Dukej se vajzat kishin miqësi shumë të mirë, por më vonë nuk janë parë më bashkë. Rina ka pasur edhe një raport miqësor me Sara Hoxhën, ish-partneren e Ledrit. Interesant është fakti që vetëm një muaj më parë, Rina kishte komentuar në postimet e Sara Hoxhës, duke e përshkruar atë si “mama të bukur”. Ky koment ka tërhequr vëmendjen e publikut, pasi lidhja e Rinës me Ledrin është pranuar si e vërtetë nga ndjekësit, duke ngritur pyetje për lidhjen e saj me ish-partneren e reperit. Një tjetër element intrigues është lidhja e Rinës me Dafina Zeqirin, një mikeshë e ngushtë e saj dhe ish-partnere e Ledrit.
Kujtojmë se Dafina kishte pasur një debat publik virtual me Ledrin dhe Sarën kur ata ishin ende bashkë, dhe raportet mes Dafinës dhe Sarës ishin, gjithashtu, të ngarkuara. Megjithatë, edhe pse Sara dhe Dafina ishin mikesha të mirë për një kohë, miqësia e tyre u prish pas zënkës. Aktualisht Rina dhe Dafina nuk ndiqen në rrjete sociale. Kaq ka mjaftuar që rrjeti të ‘akuzojë’ Rinën si shkaktaren e ndarjes mes Ledrit dhe Sarës, ndonëse çifti ka shumë kohë që është ndarë dhe lidhja e re ka vetëm pak javë që ka nisur.
Së fundmi çifti është parë përsëri së bashku në rrugët e Londrës, duke mos lënë vend më për dyshime për lidhjen e tyre.
/Panorama Plus
