AKTUALITETSTAR CHANNEL
Vlorë: Arrestohen tre persona në Vlorë për vjedhje dhe tentativë grabitjeje
Policia e Vlorës ka arrestuar tre shtetas, dy prej tyre bashkëpunëtorë, të përfshirë në raste vjedhjeje dhe tentative për vjedhje, në qytetin e Vlorës.
Pas hetimeve dhe sigurimit të provave, janë vënë në pranga:
• O. R., 34 vjeç: Akuzohet për “Vjedhje me dhunë” pasi më 13 nëntor i ka grabitur me forcë celularin një shtetaseje dhe më 23 tetor ka tentuar të vjedhë çantën e krahut të një të miture në lagjen “Hajro Çakërri”.
• G. K., 46 vjeç dhe A. H., 35 vjeç: Akuzohen për “Vjedhje”, pasi më 8 nëntor, në bashkëpunim, kanë vjedhur 1500 kg ullinj nga banesa e një shtetasi në Vlorë.
Materialet procedurale i janë dërguar Prokurorisë pranë Gjykatës së Shkallës së Parë të Juridiksionit të Përgjithshëm në Vlorë, për veprime të mëtejshme.
