AKTUALITET
Fier- Nis puna për përmirësimin e rrugës në fshatin Grizë. Subashi: Puna do të përfundojë në kohë dhe me cilësi.
Në fshatin Grizë ka nisur puna për skarifikimin e segmentit rrugor që lidh qendrën e fshatit me rrugën nacionale Fier-Ballsh. Segmenti, me gjatësi 1.2 km, është pjesë e një projekti të rëndësishëm infrastrukture që synon lehtësimin e qarkullimit dhe përmirësimin e jetesës për banorët e zonës.
Projekti parashikon:
• Përgatitjen e rrugës për shtrimin me asfalt,
• Ndërtimin e kanaleve anësore,
• Vendosjen e tombinove për kullimin e ujërave,
• Zgjerimin e rrugës për të përmirësuar qarkullimin.
Ky investim, i mbështetur nga Bashkia Fier, thekson rëndësinë e zhvillimit të infrastrukturës rurale si pjesë e përpjekjeve për modernizimin e qarkut. Kryetari i Bashkisë Fier, Armando Subashi, ka garantuar që puna do të përfundojë në kohë dhe me cilësi.
