Sulmet nga Meta-Berisha? Dumani: Asnjë emocion, jam prokuror i SPAK dhe sulmet politike i përballoj
Kreu i SPAK, Altin Dumani, thotë se nuk i ka ndjekur sulmet e panumërta të publikuara në media nga kreu i Partisë Demokratike Sali Berisha dhe ai i PL-së Ilir Meta. Dumani i ftuar në emisionin ‘3D nga Alban Dudushi’ në RTSH, nënvizoi se ngarkesa që ka në punë e bën thuajse të pamundur që të ndjekë deklaratat politike kundër tij dhe punës që ai kryen.
“Realisht është hera e parë që dëgjoj. Info kam marrë. Vetë për shkak të kohës së kufizuar nuk kam kohë t’i ndjek deklarimet politike. Marr info nga stafi. Sidomos për kritikat reflektive. Jemi të vemendshëm për denoncimet korruptive. Hera e parë që i dëgjoj. Qendrimi im është indiferent. Jam prokuror i SPAK. Çdo ditë të jetës sime, në këtë detyrë, vetëm jam kujdesur të zbatoj ligjin. Do vazhdoj kështu sa të kem frymë. Sulmet politike i përballoj. Jam shumë i ftohtë. Nuk kam emocion”, tha Dumani.
