KRONIKË
Fier: Arrestohet 57-vjeçari që përplasi për vdekje një grua në Autostradën Fier – Lushnjë dhe u largua nga vendi i aksidentit
Drejtoria Vendore e Policisë Fier ka informuar për një zhvillim të ri në lidhje me aksidentin e rëndë që ndodhi në aksin rrugor “Fier-Lushnjë”, ku një grua humbi jetën për shkak të dëmtimeve të marra.
Specialistët e Policisë Rrugore kanë arrestuar shtetasin Sh. H., 57 vjeç, banues në Fier, i cili dyshohet se ka përplasur me automjetin e tij shtetasen A. T., 61 vjeçe. Pas aksidentit, drejtuesi i automjetit është larguar nga vendi i ngjarjes, por policia ka mundur ta identifikojë dhe ta ndalojë.
Materialet procedurale për këtë rast i janë dorëzuar Prokurorisë për veprime të mëtejshme, ndërsa hetimet vazhdojnë për të sqaruar rrethanat e sakta të ngjarjes.
