KRONIKËSTAR CHANNEL
Aksident në aksin Peshkëpi-Vlorë, makina humb kontrollin dhe del nga rruga, dy të plagosur shtetas të huaj
Një aksident rrugor është regjistruar mbrëmjen e sotme, rreth orës 19:20, në aksin rrugor Peshkëpi-Vlorë. Shtetasi i huaj me nënshtetësi kineze, H. R., 31 vjeç, duke drejtuar automjetin tip “Volkswagen”, dyshohet se ka humbur kontrollin mbi drejtimin e mjetit, duke dalë nga rruga.
Si pasojë e aksidentit, kanë mbetur të plagosur drejtuesi i automjetit dhe pasagjerja, shtetasja e huaj K. Zh., 61 vjeçe. Të dy ndodhen në spital, ku po marrin ndihmën e nevojshme mjekësore.
Grupi hetimor po vijon punën për të sqaruar shkaqet dhe rrethanat e këtij aksidenti.
