KRONIKËSTAR CHANNEL
Finalizohet operacioni policor “Multiple” në Patos: Arrestohet pronari i lokalit ku shiteshin lëndë narkotike dhe viheshin baste
Fier – Operacioni policor i koduar “Multiple” ka çuar në zbulimin e një lokali në Patos, që ishte përshtatur për aktivitet të paligjshëm, përfshirë shitjen e lëndëve narkotike dhe vënien e basteve sportive online.
Specialistët e Seksionit për Hetimin e Narkotikëve, në bashkëpunim me Forcën e Posaçme “Shqiponja”, arrestuan në flagrancë shtetasin K. M., 28 vjeç, banues në Patos, i cili ishte pronari i lokalit.
Reklama në FieriWeb - “PIZZA ITALIA FIER”
Gjatë kontrollit të lokalit, policia sekuestroi doza të lëndëve narkotike, përfshirë Kokainë dhe Cannabis, si dhe një celular që përdorej për vënie bastesh në faqe online aktive.
Materialet procedurale i janë dorëzuar Prokurorisë pranë Gjykatës së Shkallës së Parë Fier për hetime të mëtejshme.
