Gjyqi për “Metamorfozën”/ Behar Bajri kërkoi gjykim me dyer të mbyllura, SPAK i refuzon kërkesën, shtyhet seanca
Procesi gjyqësor për dosjen e shumëpërfolur “Metamorfoza” ka nisur mes mungesash dhe debatit për zhvillimin e seancës me dyer të mbyllura.
Behar Bajri: Nuk i dua gazetarët, se më kanë paragjykuar nëpër televizore.
Nuk jam dakord të vazhdojë seancën në praninë e tyre.
Prokurori Arben Kraja: Në kushtet kur mungojnë dy avokatë dhe dy të pandehur, mbetet që të shtyhet seanca dhe të pezullohen afatet e paraburgimit për të gjithë të pandehurit.
Nuk jemi përballe rastit kur gjyqi duhet të zhvillohet me dyer të mbyllura.
Elton Hyseni, avokati i Bajrit: Ekspozohen të dhënat e mbrojtjes dhe të organit të akuzës, parashtrimet hyrëse etj etj.
Gjykata: Jemi në gjykim themeli.
Gjykata rrëzon kerkesën e Behar Bajrit për të zhvilluar seancën me dyer të mbyllura.
Në kushtet kur mungojnë dy avokatë, trupa gjykuese e përbërë nga Flora Hajredinaj, Irena Gjoka dhe Etleva Deda, shtyjnë seancën në datë 30 janar ora 14.00.
