Vlorë – Arrestohen 2 persona për shitje lëndë narkotike në doza
Policia e Vlorës ka goditur një tjetër rast të shpërndarjes së lëndëve narkotike. Si rezultat i operacionit të zhvilluar në lagjen “Uji i Ftohtë”, janë arrestuar në flagrancë dy shtetas, J. Sh., 22 vjeç, dhe E. H., 28 vjeç, banues në Vlorë.
Gjatë kontrollit, u sekuestruan rreth 100 doza kanabisi, një shumë parash e dyshuar e përfituar nga aktiviteti kriminal, një automjet dhe dy celularë.
Materialet procedurale i kaluan Prokurorisë pranë Gjykatës së Shkallës së Parë Vlorë, ndërsa dy të arrestuarit akuzohen për veprën penale “Prodhimi dhe shitja e narkotikëve”.
Njoftim i DVP Vlorë:
Si rezultat i kontrolleve të vazhdueshme, bazuar në inteligjencën policore, goditet një tjetër rast i shitjes së lëndëve narkotike në doza.
Vihen në pranga 2 shtetas që shitnin lëndë narkotike kanabis, në doza, kryesisht në lokale, në lagje të ndryshme të qytetit të Vlorës.
Sekuestrohen dhjetra doza kanabisi, një shumë parash e dyshuar e përfituar nga kjo veprimtari kriminale, 1 automjet dhe 2 celularë.
Seksioni për Hetimin e Narkotikëve, në bashkëpunim me shërbimet e patrullës së përgjithshme të Komisariatit të Policisë Vlorë, bazuar në inteligjencën policore se dy shtetas shitnin lëndë narkotike kanabis në doza, organizuan punën për lokalizimin dhe kapjen e tyre.
Si rezultat i veprimeve hetimore dhe kontrolleve të ushtruara mëngjesin e datës 27.01.2025, në lagjen “Uji i Ftohtë”, u bë e mundur kapja dhe arrestimi në flagrancë i shtetasve:
J. Sh., 22 vjeç, dhe E. H., 28 vjeç, të dy banues në Vlorë.
Gjatë kontrollit fizik ndaj këtyre dy shtetasve dhe kontrollit në banesat e tyre, shërbimet e Policisë gjetën dhe sekuestruan lëndë narkotike kanabis të ndarë në rreth 100 doza, një shumë eurosh të dyshuar të përfituar nga kjo veprimtari kriminale, si dhe 2 celularë.
Nga hetimet ka rezultuar se këta shtetas, pasi siguronin lëndën narkotike kanabis, e përgatitnin atë në doza me qëllim shitjen, kryesisht në lokale, në lagje të ndryshme të qytetit të Vlorës.
Materialet procedurale i kaluan Prokurorisë pranë Gjykatës së Shkallës së Parë Vlorë, për veprime të mëtejshme, për veprën penale “Prodhimi dhe shitja e narkotikëve”.
