Kryeministri Rama ndan fotot nga pjesëmarrja në Konferencën e Sigurisë në Mynih, takon edhe Richard Grenell e Albin Kurtin
Kryeministri Edi Rama ishte i pranishëm në Konferencën e Sigurisë në Mynih, e cila u zhvillua këtë fundjavë. Në llogarinë e tij në “Facebook”, ai ka ndarë disa foto nga takimet me liderë dhe personalitete të rëndësishme.
Fotot e renditura ndër të parat nga Rama, janë momentet e fiksuara nga takimi i tij me të Dërguarin e SHBA për Misione të Posaçme, Richard Grenell dhe kryeministrin Albin Kurti.
Kryemnistri Edi Rama ishte i ftuar edhe në panelin për zgjerimin e BE-së, ku adresoi kritika të forta ndaj Brukselit për zvarritjen e procesit të integrimit. Rizgjedhjen e Trump dhe kërcënimet tregtare që vijnë nga SHBA, kreu i qeverisë i sheh si një mundësi rizgjimi për Europën e cila duhet të punojë për fuqizimin e vetes në aspektin tregtar dhe ekonomik.
