LUSHNJË: 22-Vjeçari Turk Arrestohet për Pagesë me Dollarë False në Karburant
Një 22-vjeçar turk është arrestuar në Fier pasi u kap duke paguar me kartëmonedha të falsifikuara në një pikë karburanti.
Ngjarja u zbulua pas kallëzimit të një punonjësi në një pikë karburanti në fshatin Çermë e Sipërme, i cili raportoi se një klient kishte paguar për furnizimin e automjetit me dollarë të dyshuar si të falsifikuar.
Seksioni për Hetimin e Krimeve Ekonomiko-Financiare ndërhyri menjëherë dhe arriti të identifikojë e të arrestojë në flagrancë shtetasin Burak Ozakyuz, 22 vjeç, banues në Turqi. Gjatë kontrollit të automjetit, i cili rezultoi i marrë me qira, u gjet dhe u sekuestrua një kartëmonedhë 100 dollarëshe, e dyshuar si e falsifikuar.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
