U arrestua nga SPAK si pjesë e grupit kriminal për trafik droge! Kush është ish-efektivi Erdit Hazizaj? Në 2023 ishte kandidat i Berishës dhe Metës për bashkinë Roskovec
Një prej të arrestuarve pas operacionit të SPAK mbrëmjen e sotme është edhe ish-efektivi Erdit Hazizaj. Deri në 2022 ai ka qenë pjesë e Policisë së Shtetit. Pas hetimeve të SPAK, ai së bashku me të tjerë akuzohet nga SPAK për trafik droge, kultivim i bimëve narkotike, grup i strukturuar, shpërdorim detyre etj.
Në 2022, Hazizaj u shkarkua nga detyra si efektiv policie prej drejtorit të Policisë në atë kohë Gledis Nano, për shkak të ngjarjes së rëndë në Potam ku humbi jetën një 7-vjeçare pasi u godit nga një skaf në ujë.
Por gjithashtu mësohet se në vitin 2023 ai ka qenë pjesë e primareve të Berishës për kandidat si kryetar bashkie për Roskovecin për zgjedhjet e 14 majit. Koalicioni ‘Bashkë Fitojmë’ i Metës dhe Berishës kandidoi me Hazizaj në zgjedhjet e 14 majit 2023.
