KRONIKËSTAR CHANNEL

Zjarr i madh në fshatin Gjorgoz, rrezik për ullishtet dhe pronat e banorëve

Gjorgoz, Patos – Një zjarr i përmasave të mëdha ka rënë paraditen e sotme në kodrat e fshatit Gjorgoz, duke përfshirë një sipërfaqe të konsiderueshme me pisha dhe bimësi të tjera. Flakët po përhapen me shpejtësi, ndërsa rreziku për ullishtet dhe pronat e banorëve mbetet i lartë.

RREKLAMA JUAJ KËTU!

Autoritetet lokale dhe forcat zjarrfikëse ndodhen në terren, duke punuar për izolimin e flakëve dhe shmangien e dëmeve të mëdha. Sipas raportimeve paraprake, terreni i thyer dhe era e fortë po e vështirësojnë ndërhyrjen, ndërsa banorët janë në alarm për shkak të afërsisë së zjarrit me tokat e tyre.

Reklama në FieriWeb - “VEGA GROUP”

Shkaqet e zjarrit mbeten ende të paqarta. Autoritetet kanë nisur hetimet për të përcaktuar nëse bëhet fjalë për një zjarrvënie të qëllimshme apo për shkaqe natyrore.

Reklama në FieriWeb - “VODAFONE ALBANIA”

Fshati Gjorgoz është prekur edhe më parë nga zjarre të mëdha, duke shkaktuar dëme në pyje dhe tokat bujqësore. Banorët kërkojnë masa më të rrepta për parandalimin e këtyre situatave dhe ndërhyrje më të shpejtë nga autoritetet për menaxhimin e emergjencave të tilla.

Reklama në FieriWeb - “OAZI I PISHAVE”

Lajmi do të përditësohet me informacionet më të fundit.

Reklama në FieriWeb - “PASTIÇERI “RUSTEMAJ”

Related Articles

Leave a Reply

Your email address will not be published. Required fields are marked *

Back to top button