BE miraton sot fondet nga Plani i Rritjes për Shqipërinë, Rama: Përmbushëm detyrat! Tregues që po ecim shpejt drejt integrimit
Bashkimi Eurpopian miratoi ditën e djeshme fondet e parafinancimit për Maqedoninë e Veriut, ndërsa e njëjta pritet të kryhet sot për Shqipërinë. Komisionerja për zgjerimin Marta Kos, në një postim në rrjetet sociale, përgëzoi dje dy shtetet për përshpejtimin e procesit në marrjen e fondeve të parafinancimit. parafinancimit.
Në këtë pikë u ndal edhe kryeministri Edi Rama në komunikimin e sotëm me qytetarët në “Sy m’sy”. Ai u shpreh se kjo u arrit vetëm falë përmbushjes së detyrave nga vendi ynë, tregues sipas kreut të qeverisë se Shqipëria po ecën me shpejtësi drejt integrimit.
“Ndërkohë kemi një të re shumë pozitive, deklarata e Komisioneres për Zgjerimin Marta Kos që na përgëzon për shpejtësinë e marrjes së financimit në planin e rritjes, pra përmbushje e detyrave sipas kalendarit dhe programit të dakordësuar për ecurinë e mëtejshme të vendit në rrugën e anëtarësimit. Kështu që besoj se kjo është një shenjtë tjetër e faktit që jemi duke ecur me shpejtësi sipas ritmit të përcaktuar”, tha ai.
