Vrasja e 22-vjeçares shqiptare në Itali! Ish i dashuri pranon krimin, si ndodhi ngjarja tragjike! Pasi e goditi me thikë, e futi në valixhe dhe e hodhi në pyll!
Trupi i Ilaria Sula, 22-vjeçares shqiptare, e cila ishte shpallur e zhdukur që nga 25 marsi në Romë, u gjet i pajetë në një zonë të pyllëzuar në Poli. Ajo ishte gjetur brenda një valixheje që ishte hedhur në një kanal, sipas raportimeve nga Corriere della Sera.
Hetuesit, së bashku me zjarrfikësit, shkuan në vendngjarje për të nxjerrë trupin e Ilaria Sula. Sipas informacioneve të para, ajo kishte pasur një lidhje me 23-vjeçarin filipinas, Mark Samson, i cili është arrestuar nga autoritetet dhe ka pranuar vrasjen. Ilaria studionte për Statistikë në Universitetin “La Sapienza”.
Familja e saj kishte ngritur alarmin në rrjetet sociale për ta gjetur, dhe miqtë dhe kolegët e saj ishin mobilizuar për të shpërndarë foto në kërkim të saj.
Ish-i dashuri, Mark Samson, ka pranuar se e ka goditur Ilarian me thikë në banesën e tij në Via Homs përpara se ta mbyllte në valixhe. Ai përballet me akuzat për vrasje me dashje dhe fshehje të trupit, ndërsa autoritetet ende po hetojnë nëse ai ka zbuluar vendndodhjen ku e kishte fshehur trupin.
Pas zhdukjes së saj, Samson vazhdoi të përdorte telefonin e saj, duke iu përgjigjur mesazheve dhe postimeve në rrjetet sociale, duke krijuar dyshime për vërtetësinë e komunikimeve.
Ilaria jetonte me katër studentë të tjerë në apartamentin e saj në rrethin San Lorenzo. Miqtë e saj raportuan se ajo kishte dërguar mesazhe në WhatsApp para se të zhdukej, por pas 29 marsit ajo nuk iu përgjigj askujt, duke çuar miqtë e saj të njoftonin familjen dhe të denonconin rastin në polici.
“Ajo u largua pa thënë lamtumirë dhe nuk na tregoi se ku po shkonte. Pas atij momenti, nuk e kemi parë më”, thanë ata.
