AKTUALITETSTAR CHANNEL
Fier: Fermeri Sali Duzha Rikthehet nga Emigracioni për të Investuar në Blegtori
Fermeri fierak Sali Duzha ka lënë pas emigracionin për t’u rikthyer dhe investuar në blegtori, i nxitur nga skema kombëtare e mbështetjes për bujqësinë dhe blegtorinë për vitin 2025.
Aktualisht, ai zotëron rreth 400 krerë dele dhe dhi, 20 lopë dhe 110 koshere bletësh, duke e kthyer fermën e tij në një nga më të rëndësishmet në zonë. Falë përfitimit të subvencioneve, Duzha synon të zgjerojë më tej aktivitetin, duke e cilësuar këtë mbështetje si një faktor kyç për zhvillimin e sektorit.
Programi i subvencioneve për blegtorinë dhe bujqësinë ka nxitur gjithnjë e më shumë fermerë të investojnë në këtë fushë, duke forcuar ekonominë rurale dhe siguruar prodhime cilësore për tregun vendas.
