KRONIKËSTAR CHANNEL
Fier Seman – Konflikt për pronësinë përfundon me të shtëna armësh, një person i shoqëruar dhe dy të shpallur në kërkim
Një konflikt për motive pronësie ka degjeneruar në dhunë fizike dhe përdorim armësh në fshatin Fierseman të Divjakës, mbrëmjen e sotme rreth orës 20:00.
Sipas informacioneve paraprake, pas një debati verbal, shtetasit Z. K., 58 vjeç, dhe A. G., 57 vjeç, kanë goditur me grushte shtetasin Sh. K., 50 vjeç, i cili është vëllai i Z. K.
Reklama në FieriWeb - “PIZZA ITALIA FIER”
Si pasojë e konfliktit, Sh. K. ka reaguar duke përdorur armën e gjahut që e posedonte me leje, dhe ka qëlluar, duke dëmtuar automjetin e shtetasit A. G.
Policia ka shoqëruar në Komisariat shtetasin Sh. K., ndërsa dy të tjerët, Z. K. dhe A. G., janë shpallur në kërkim.
Grupi hetimor vijon punën për zbardhjen e plotë të rrethanave të ngjarjes si dhe për lokalizimin dhe kapjen e personave të shpallur në kërkim.
