KRONIKËSTAR CHANNEL
Ngjarje tragjike në Fier – Gruaja gjendet e pajetë nga familjarët, dyshohet për vetëvrasje në garazhin e banesës
Një ngjarje e rëndë ka tronditur paraditen e sotme fshatin Grecalli në Fier. Një grua 53-vjeçare, e identifikuar me inicialet M. Sh., është gjetur e pajetë nga familjarët në garazhin e banesës së saj.
Sipas të dhënave paraprake, dyshohet se gruaja i ka dhënë fund jetës në rrethana ende të paqarta. Autoritetet kanë nisur menjëherë hetimet për zbardhjen e plotë të ngjarjes, ndërsa grupi hetimor ndodhet në vendin e ngjarjes për të kryer veprimet e mëtejshme procedurale.
Pritet që në orët në vijim të ketë më shumë informacion mbi motivet e mundshme dhe rrethanat e kësaj ngjarjeje të rëndë.
