Ngjarje tragjike në Daullas, Fier – Fermeri humb jetën aksidentalisht gjatë punës
Një ngjarje e rëndë ka tronditur mëngjesin e sotëm fshatin Daullas në Fier, ku një fermer 56-vjeçar ka humbur jetën në rrethana tragjike. Viktima, Agron Sukulli, është aksidentuar për vdekje teksa po kryente shërbime xhenerike poshtë mjetit të tij, pranë banesës ku jetonte.
Sipas informacioneve paraprake, ngjarja dyshohet të ketë ndodhur si pasojë e një defekti teknik apo rrëshqitjeje të mjetit, çka ka sjellë shtypjen fatale të 56-vjeçarit.
Menjëherë pas njoftimit, në vendngjarje kanë mbërritur forcat e policisë së Fierit dhe grupi hetimor, të cilët po punojnë për të zbardhur rrethanat dhe shkaqet e plota të aksidentit.
Njoftim i DVP Fier/Informacion paraprak:
Rreth orës 09:30, në fshatin Grecalli, shtetasin A. S., rreth 60 vjeç, dyshohet se duke kontrolluar mjetin bujqësor që kishte në pronësi, e ka zënë rrota e mjetit. Si pasojë ai ka humbur jetën.
Grupi hetimor është në vendngjarje dhe po punon për zbardhjen e rrethanave të rastit.
